Wo jo chale gaye...

Har lamhe se darkhwast yahi hai,
Ki tera saath de de mujhe,
Har pal se dhadkan puch rahi hai,
Ki kyu nahi yaad main tujhe,

Ke saason ki awaaz ab sunai dene lagi hai,
Raahein zindagi ki kaaton se bhari hai,
Ke ab aankhen bhi thak rahi hai,
Raah ye jaane kis ajnabee ki dekh rahi hai,

Kya chaha tha maine,
Aur kis path pe chal diya,
Kya kiya ye tune,
Mujhe hi begaana kar diya,

Ab tujse bhi kya shikayat karun,
Ke mohlat itni waqt ne di hi nahi,
Ab shikve bhi kya kisi se kahun,
Jab tune bhi mujhe samjha hi nahi,

Rooth gaya hun khud se,
Ya tune rulaa diya,
Ab bas ye hi puch raha hun khud se,
Ki kis baat ka ye silaa diya,

Shayad in sawalon me hi kho jaunga,
Aur reh jaunga main akela,
Tujhe na sahi, khud ko hi bhool jaunga,
Kaisa khel khela maine ye albela…