Muskurata to hun... par....

Naino me athru nahi,
Khwab saare dhundle ho gaye,
Labon pe tera naam nahi,
Jaise tujhe pukarna hi bhool gaye,

Teri tasvir bhi dekhte nahi,
Kaisi dikhti thi tu,
Tere didar ki aas bhi nahi,
Yun ojhal ho gayi tu,

Yaad hai to bas lamhe,
Lamhe kuch takrar ke,
Jinme hum dekhte the tumhe,
Lamhe vo kuch pyaar ke,

Aks hi tera ab saath mere,
Pehchaan bhi kho gayi hai,
Shayad hua ye intezaar me tere,
Zindagi hi rus gayi hai,

Sab lagta hai viraana sa,
Jag suna sa ho gaya,
Tu hi to tha apna sa,
Tu bhi begaana ho gaya,

Kisi ko chahne me,
Waqt lagta hia mujhe,
Usko phir bhulane me,
Dard hota hai mujhe,

Chupa leta hun sab,
Muskurahat ke piche main,
Bardasht nahi hota ab,
Ke teri zindagi me kuch bhi nahi main,

Tere khayalon me bhi kya main aata nahi,
Kya kuch bhi nahi tha main tere liye,
Kya kabhi mera chehra teri Nakhon se takrata nahi,
Kya main hi deewana tha tere liye,

Din bhi hote hai,
Raat bhi aati hai,
Par na hum sote hai,
Na neend aati hai,


Yun to pehle na tha main,
Kya iska bhi ilm nahi tujhe,
Kyu guzarish kar raha hun main,
Ki tu bula le mujhe,

Jab main jaanta hun,
Ke wafa tu kar sakti nahi,
Haan main maanta hun,
Ki mohbbat tune mujse ki nahi,

Aur bahut si baatein reh gayi ankahi,
Par dosti me bhi kuch had tak pyaar hota hai,
Zindagi bhar ka saath na sahi,
Waktiya hi, kisi ki khushi ka khyala hota hai,

Tujhe sab hai pata,
Fir bhi kuch kehti nahi,
Kya thi meri khata,
Jo yun teri aankhen mud gayi,

Jaise main bhid me khada,
Koi anjaana hun,
Mujhe kyu di ye sazaa,
Ye khud se puchta hun,

Kyu kisi aur ki tarah mujhe samjh kar,
Har lamha mera imtehaan liya?
Kyu nahi tune mujhe samjh kar,
Meri baaton ka jawaab diya?

Shayad kismat thi ye meri,
Ke tu mujhe na samjh saki,
Ya kismat thi teri,
Lauta di tune mujhe kisi aur ke hisse ki berukhi,

Jo bhi ho,
Sawaal to rahenge,
Kahin to,
Hum intezaar karenge,

Na aayegi tu,
Ye pata hia mujhe,
Chali jayegi tu,
Na rokunga tujhe,


Par barso baad kabhi yaad karegi,
Agar mujhe tu,
To tujhe shayad sachai dikhegi,
Par kho chuki hogi tu,

Main bhi jaane kis manzar pe honga,
Jaane kya khalish hogi tab man me,
Par tujhe to humesha yaad rakhunga,
Shayad dil ke kisi andhere kone me,

Alvida kehna sikh raha hun,
Berukhi zindagi se kar raha hun,
Nahi ab tujhe pukar raha hun,
Ab bas khud se hi sawaal kar raha hun...

May God Bless You...

Love One Love All…

Mohit Chopra

15 January 2009