Pura Hua...

Kyu fanna hua,
Na koi vajah,
Phir bhi bepanna hua,
Khoya har jagah,

Bikhra sa thoda,
Samete jahan ko,
Ladkhadaya thoda,
Dhunde raah ko,

Dhun apni hi,
Jhume paglaya sa,
Bhookh halki si,
Bahut wo pyasa,

Dar bedar,
Kashti si wo,
Kuch bekhabar,
Nakaarti kisko,

Apni hi uljhan,
Apni hi mauj me,
Apni hi tadpan,
Apni hi khoj me,

Anjaan khudi se,
Bebas sa,
Bas Tujhi se,
Pura hua…

Love One Love All,
Mohit Chopra
10th Oct 2011

Aakhir dil to dil hi hai…

Laakh koshishe kar le hum,
Zehan se khayal jaata nahi tumhara,
Kitna bhi intezaar chahe kar le hum,
Paigaam ab koi nahi aata tumhara,

Ajab baichaini ka ehsaas hai,
Thoda ghabra raha hun main,
Kyu nahi tu mere paas hai,
Ke tujh bin kuch gumshuda hun main,

Ilzaam berukhi ka bhi kya lagaun,
Ke bedard to kismet hai,
Ke haal kaise lafzon me bataun,
Ke kho rahe alfaaz hai,

Khamosh hun par kuch keh raha hun,
Bas me aur kuch na hai,
Jaane ab bhi kyu sawal kar raha hun,
Aakhir dil to dil hi hai…

Love One Love All
Mohit Chopra
9th Oct 2011

Tu hi hai...

Kitne bhi nuks nikalun,
Phir bhi sabse behtareen to tu hi hai,
Choti choti baatein badi bana dun,
Bechain dil ko sakun bhi to tu hi hai,

Din aur tareekh bhula dun,
Meri yadasht to tu hi hai,
Likhte likhte lafz mita dun,
Meri kalam ki shyahi bhi to tu hi hai,

Teri koshisho ko nazarandaz kar dun,
Phir bhi meri umeed to tu hi hai,
Haste hoton ko berukhi dikha dun,
Ke meri muskaan bhi to tu hi hai,

Raaton ko tanha chod dun,
Ke mere khwaab to tu hi hai,
Dillagi bepannah karun,
Ke meri deewangi bhi to tu hi hai,

Tujhse bin baat ladun,
Ke mera haq to tu hi hai
Ke kitni bhi shikayat karun,
Mera farishta bhi to tu hi hai…

Love One Love All
Mohit Chopra
5th Oct 2011

Chup reh jaate hai hum

Aasan hai sab kehna,
Phir bhi chup reh jaate hai hum,
Ke tum to samajh lena,
Kya khamoshiyon me keh jaate hai hum,

Dar hai kuchh,
Ke kuch to seham jaate hai hum,
Kehte ho kuchh,
Aur kuchh samajh jaate hai hum,

Ilm nahi shayad tumhe,
Ya maine hi bataya nahi,
Ke chand rukhe alfazon se,
Kat ti ye raatein nahi ,

Iltijaa itni si hai,
Ke har khata maaf karna,
Jo humse thodi mohbbat hai,
Bas usi ko yaad karna,

Ke mera to rozgar hi teri ibadat hai,
Har pal, har lamha,
Bas karna teri hi chahat hai…

Love One Love All
Mohit Chopra
4th Oct 2011