Khushgavar ye sama hai,
Ke khush hai mera dil bhi aaj,
Jaane mujhko kya hua hai,
Kin khayalon me duba hun main aaj,
Ke ye dhup bhi sehla rahi hai,
Aankhon ko roshan kar rahi hai,
Ke hawa bhi behla rahi hai,
Jaise tu apni aur bula rahi hai,
Khoya hun jaise tere hi soch me,
Muskura raha hun bethe bethe,
Duba hua tere khayalon ke aagosh me,
Ruk jaata hun kuch kehte kehte,
Ke har alfaaz me,
Tera hi naam sun na chahta hun,
Ke har nazaare me,
Tujhe hi bas dekhna chahta hun,
Na mila hun tujse,
Na pata hai tera koi,
Na puch tu mujse,
Ke jawaab nahi mere paas koi,
Ke bas intezaar hai,
Tere dedaar ka,
Ke bas intezaar hai,
Apne pyaar ka,
Jaane kyu has deta hun main,
Bina kisi k kuch kahe,
Shayad sun leta hun main,
Tere alfaaz ankahe,
Ke tu bhi gar bharosa kare,
To mil jaaye mujhe bhi zindagi,
Chal de tu saath mere,
Nahi hai ye koi dillagi…
2 comments:
aaaaaaaaaawwwwwwhh..omg... its ssooooo sweettt... lucky grl huh ....lol.. makes me cheezzy lol... i jst luvvv ittt ..... bbbrrriillliiaaannnntttt ....
hey i wish u get that gal in ur life.... she'll be really lucky dear.... u r the best.... keep going... but dont miss that smile....
Post a Comment