Kisi ki chahat hai...

Kisi ki chahat hai,
Ya khud ko hi dhund raha hun main,
Ye nahi mohbbat hai,
Ke bas ek dost dhund raha hun main,

Jise keh sukun,
Kya dil me hai,
Jis se puch sakun,
Har baat main,

Ke chod diya saath unka,
Jo the mere saath,
Ab karta hun intezaar kiska,
Failaye apne haath,

In viraani galiyon ko,
Khud hi to maanga tha maine,
Zehan sochta hai kisko,
Gam ka cholla pehne,

Ke baat nahi koi karne ko,
Jayaz bhi nahi ab koi guftagu,
Ke gumraah sa ho gaya hun ab to,
Kho gayi hai meri rooh,

Kis mugaltim me jita hun,
Ke sab nahi hai mere bas me,
Kyu nahi samjhta hun,
Ke nahi nibhayi jaati hai sab kasme,

Kuch to baat hai mujme,
Jise main nazarandaaz kar deta hun,
Dhundta hun main chain tujme,
Aur apne hi noor ko andekha karta hun,

Par fir bhi zarurat to hai,
Kisi ajnabee ki,
Ke adhuri meri kahani hai,
Mukamal nahi zindagi,

Ke dua ab to bas hai yahi,
Ke mila de ye hawaaein tujhse,
Dur na ho jaun tujhse kahi,
Ke chup na ab tu mujse,

Mil ja mujhe, Mil ja o ajnabee, Mil ja...

LOVE ONE LOVE ALL
MOHIT CHOPRA
29 April 2009